DESCANSO (parte 1)

Xeralmente o descanso considérase o final de cada día, onde obtemos o resultado da suma das nosas accións levadas a cabo ao longo do día, pero tamén atopamos nel, o punto de inicio, previo á primeira acción de cada día.

Para poder levar a cabo o noso día, o corpo contén un sistema antigo e común a toda vida na terra que se trata dos ritmos circadianos, marcados por un reloxo universal que nos indica cales son os momentos idóneos para as nosas necesidades básicas e fontes de saúde, o descanso, a alimentación e a actividade. Ainda que o seu principal calibrador é a recepción de luz natural, tamén podemos condicionar o seu funcionamento, tanto para melloralo como para desregulalo, mediante a calidade e cantidade da actividade física e descanso, as inxestas e xaxúns, ou a exposición á luz solar, o cal os converte en factores crave a ter en conta cando queremos mellorar a nosa calidade de descanso.

O reloxo circadiano tamén se compón de reaccións hormonais activadas ao longo do día en función da luz que recibimos, por exemplo a secreción de melatonina á tardiña, a ghrelina que abre o apetito e nos mantén espertos, ademais doutras substancias químicas como os inmunomensaxeiros que indican que o sistema inmune require máis enerxía inducindo a somnolencia (aumento de enerxía repentina para o sistema inmune) ou a hormona adenosina que indica o nivel de actividade acumulada polas nosas células e o óxido nítrico que xera cansazo e liberación de adenosina (estes dous últimos están sincronizados, levántannos pola mañá e lévannos a durmir pola noite).

Os avances conseguidos fan posible estar activos máis aló das horas de luz que nos ofrece o sol, e como efecto colateral indeseado, desconectámonos do natural, repercutindo de forma negativa nos ritmos circadianos e por tanto en todos os ámbitos da nosa saúde (física, mental e emocional), durante día e noite.

Unha das consecuencias máis común e grave por mor da alteración dos ritmos naturais atopámola no momento do descanso nocturno levándonos a padecer insomnio e unha serie de causantes como poden ser:

• Se hai equilibrio/saúde nos ciclos vixilia-soño:

  - Érgueste con máis foco e enerxía (o que conleva boa alimentación, non á solicitude de azucres, e ganas de moverche)

  - Hai orde no sistema inmune (reparación).

  - A luz do amencer chega ao hipotálamo e leste dá enerxía que a sentimos en forma de erección en homes, ganas de ir ao baño, tirarse gases, ganas de moverse, apetencia de actividade intelectual (programar día, ver sms…).

  - E coa posta do sol, ganas de ir durmir.

• Se hai desequilibrio:

  - Hai máis ansiedade ao longo do día por comer doce para aguantar, e por iso resistencia á insulina como consecuencia, provocando que as células non poidan utilizar a glucosa e inxirámola constantemente.

  - Non saen as palabras pola mañá, posiblemente porque non houbo unha correcta eliminación de toxinas pola noite.

Se pasa isto, o recomendado é non flaxelarse ese día, pero se non hai algún cambio, ao día seguinte será igual.

Os síntomas derivados dun mal descanso nocturno nótanse levemente no noso día a día e a longo prazo maniféstanse en forma de problemas metabólicos (p.ex. diabetes) enfermidades neurodexenerativas, depresión…

Para poder corrixir o insomnio primeiro debemos identificar se se trata do tipo de fóra a dentro ou do tipo de dentro a fóra.

• Factores que favorecen o insomnio de fóra a dentro

  - Pantallas azuis (móbiles, tv, tablets..

  - Estrés (laboral, social, familiar..)

  - Horarios inestables

  - Inxestas (exceso de hidratos de carbono pola noite)

  - Frecuencias ( wifi, teléfono móbil…)

  - Viaxes transoceánicas (jet lag..)

  - Estado do espazo (temperatura, xeopatías, escuridade…)

  - Respiración (nasal ou bucal…)

  - Estado do organismo (relación estómago descanso, sobrepeso, ouriños…)

  - Deporte (alta intensidade en horas previas ao descanso…)

• Factores que favorecen o insomnio de dentro a fóra:

  - Evitación obsesiva do risco

  - Demanda de seguridade e protección

  - Control racional sobre as reaccións fisiolóxicas, o que nos leva á construción de psicotrampas como: querer

Na parte 2 daremos recomendacións para mellorar o noso descanso tanto se padecemos un insomnio de fóra a dentro como de dentro a fóra.