EXERCICIO (parte 1)

O exercicio ou movemento do corpo, é unha necesidade vital co mesmo grao de importancia que teñen o descanso, a alimentación e as relacións sociais.

Do mesmo xeito que todos os días comemos, descansamos e relacionámonos, tamén nos movemos para levar a cabo as accións que compoñen o noso día a día.

Ata non hai moito tempo, o esforzo físico, foi imprescindible para a nosa supervivencia, polo simple feito de cubrir necesidades básicas como, fuxir de depredadores, cultivar ou cazar os alimentos e crear ou atopar lugares onde descansar.

Hoxe en día estas necesidades están cubertas cun mínimo esforzo físico, e polo tanto non se require dun bo estado deste para sobrevivir, ou polo menos, cubrir as necesidades básicas.

Grazas á cantidade de melloras, innovacións e comodidades, o sedentarismo colle unha gran presenza no noso día a día sendo algúns dos motivos:

• O estilo de vida moderno, que require maior parte de traballos en oficinas ou co uso excesivo de tecnoloxía (computadoras, teléfonos intelixentes, televisión) fomentan a inactividade física, e tamén o seu uso no noso tempo libre.

• A falta de tempo, debido ás axendas ocupadas e as responsabilidades diarias dificultan dedicar tempo a actividades físicas.

• A falta de motivación ou interese, algunhas persoas non atopan motivación para realizar exercicio ou non disfrutan das actividades físicas.

Ademais, tamén podemos contemplar falsas crenzas que favorecen o sedentarismo, por exemplo:

• Problemas de saúde: Enfermidades, lesións ou condicións médicas poden limitar a mobilidade e reducir a actividade física.

• Contorna pouca favorable: A falta de espazos adecuados para exercitarse, parques ou instalacións deportivas pode ser un obstáculo.

• Factores económicos: A percepción de que facer exercicio require gastos (como membresías en ximnasios) pode disuadir a algunhas persoas.

• Factores culturais e sociais: Normas culturais ou sociais que non promoven a actividade física.

• Medo ou inseguridade: Temor a lesións, inseguridade na contorna ou violencia nalgúns lugares pode impedir saír a camiñar ou practicar deportes ao aire libre.

Se queremos reducir o sedentarismo o primeiro paso é identificar cales destes motivos ou outros posibles forman parte do noso día a día, e buscar estratexias para incorporar máis actividade física na rutina diaria xa que a falta dunha mínima actividade nos predispone para a aparición de consecuencias como:

• Aumento do peso

• Lesións osteoarticulares

• Patoloxías dexenerativas

• Debilidade do sistema en xeral (emocional, inmune, dixestivo, reprodutor, osteoarticular…)

En cambio, a práctica habitual dalgunha actividade socio-deportiva vai achegar beneficios para conseguir ou manter un bo estado de saúde, algúns destes son:

• Redución do risco de enfermidades crónicas

• Aumento da forza, resistencia e velocidade de recuperación física.

• Mellora ou mantemento da mobilidade.

• Eliminación de toxinas.

• Mellora no descanso mental

• Regulación o equilibrio emocional

• Dános a capacidade de vivir en lugar de sobrevivir no día a día.

Ademais, o músculo é un órgano que fabrica metabolitos que son beneficiosos para o envellecemento cerebral, rexeneración das neuronas, regulación da glicosa, os triglicéridos e mellora da microbiota.

Sabendo todo isto, considérase que a práctica dalgún tipo de actividade lúdico-deportiva é imprescindible para a mellora do noso estado de saúde.

Para empezar a introducir o exercicio no día a día dunha forma máis sinxela suxerímosche unhas recomendacións que consideramos apropiadas:

Elixe unha actividade principal que por encima de todo gústeche e pásescho ben ao realizala.

• Acepta que o estado físico do teu corpo depende de ti, por tanto, colle responsabilidade e utiliza o exercicio como ferramenta de mellora.

• Se é principiante, contrata un/a adestrador/a.

• Confía no longo prazo para percibir resultados.

• Feixe exercicio unha hora ao día, entre cinco e seis días por semana.

• Combina diferentes tipos de exercicios ao longo da semana.

• Respecta os tempos de descanso.

Tamén nos poden facilitar a práctica:

• Establecer obxectivos

• Planificar a túa rutina mensual ou semanal (que actividade e en que momento vas realizala)

• Preparar o día anterior o necesario para a actividade.

• Quedar con alguén para realizar exercicio.

• Inscríbirse e pagar unha cota que te obrigue a acudir a un centro ou actividade.

Na próxima entrada explicarémosche os tipos de exercicios que existen, que beneficios específicos achégannos cada un deles e algunha rutina básica para empezar co apoio á túa saúde mediante o exercicio.