Sistema miofascial

A fascia: o gran sistema de comunicación do corpo

A fascia é moito máis ca un simple envoltorio do noso corpo. Trátase dun verdadeiro órgano de comunicación, unha rede ininterrompida de tecido conectivo con importantes funcións biomecánicas e bioquímicas.

Propiedades biomecánicas e bioquímicas da fascia

A fascia cumpre diversas funcións fundamentais no corpo:

• Función unificadora: envolve todas as estruturas somáticas e viscerais, incluídas as meninxes, conectándoas entre sí e dándolles soporte físico.

• Función protectora: regula a permeabilidade das barreiras do corpo.

• Función correctora: garante a nutrición das células a través do sistema sanguíneo e linfático, protexendo cada músculo e mantendo a homeostase.

Tipos de fascia e a súa importancia

A fascia divídese en diferentes capas, cada unha cunha función específica:

• Fascia superficial: sitúda debaixo da pel, vehiculiza vasos sanguíneos e nervios.

• Fascia profunda: estreitamente ligada á fascia superficial, proporciona soporte estrutural e subdivídese en:

  • Miofascia: envolve músculos e tendóns.

  • Viscerofascia: facilita o contacto e deslizamento entre órganos.

  • Neurofascia: conecta a fascia co sistema nervioso.

  • Meninxes: inclúe a duramadre espinal e intracraneal.

A importancia da hidratación e o equilibrio ácido-base

O tecido conectivo da fascia almacena un 23% da auga total do corpo. Manter unha boa hidratación é esencial para a súa saúde, xa que a deshidratación pode aumentar a densidade do tecido e reducir a mobilidade. Ademais, o exceso de acidez no organismo favorece a perda de auga e a formación de crosslinks, provocando rigidez e posibles lesións.

O tratamento do síndrome miofascial

Os obxectivos do tratamento do síndrome miofascial son:

• Eliminar as restricións dentro do sistema fascial.

• Restablecer o equilibrio funcional do corpo.

Para isto, utilízanse técnicas específicas, como a indución miofascial, aplicadas de maneira precisa segundo a composición e continuidade da fascia en todo o corpo.

A fascia é moito máis que un simple tecido; é un compoñente clave para o movemento, a protección e o benestar do noso organismo.